PANTONE ӨНГӨНИЙ ХУАНЛИ - ӨНГӨНИЙ ЗУРХАЙ

Өнгөний зурхай нь зурхай болон өнгөний метафизик чанар, гүн утга агуулгыг нэгтгэн жилийн сарууд, өдрүүдийн өнгийг тодорхойлдог.

Бидний эргэн тойрондоо харж буй бүх өнгүүд нь эд зүйлс дээрээс ойсон нарны цацрагийн хугарал юм. Энэ нь мөн шитэд ертөнцийг харах боломжийг бидэнд олгодог. Бороотой өдрийн тэнгэрт солонгыг харахаас илүү гайхамшигтай зүйл үгүй билээ. Та ч мөн энэхүү солонгын өнгийн нэг хэсэг бөгөөд таны төрсөн өдрийн наран, гарагсын байрлалаас хамаарч таны төрсөн өдрийн өнгө нь таны жинхэнэ дотоод хүнийг нээн таних боломжийг олгоно.

Бүх л өдрүүд өөртөө гүн утга агуулга бүхий үгсийг агуулж байдаг. Энэ нь хүч чадал, сул тал, бэлэг болон өрсөлдөөнийг агуулна. Танд өөрийн нарны тэмдэг, давамгайлагч гарагтай бөгөөд та мөн гал, шороо, агаар, ус гэсэн махбодод хамаарна. Таны төрсөн өдөр өөрийн тоон утга бүхий долгионыг агуулдаг бөгөөд энэ нь өөрийн утга учиртай юм. Эдгээр нь таны мөн чанар, амьдрах чадварыг бүрдүүлдэг бөгөөд хооронд нь харьцуулан нарийвчлан судалсны үр дүнд өнгөний зурхайн үндэс болсон төрсөн өдрийн өнгийг тань гаргадаг.

Зөвхөн цөөн хэдэн зурхайн шинжүүд нь өөр хоорондоо байгалийн холбоос үүсгэдэг бөгөөд өнгө ч мөн тийм юм. Зарим өнгүүд бие биентэйгээ тэмцэлддэг байхад зарим нь нэг нэгнээ дэмждэг. Ганцхан өдрийн өмнө хойно төрсөн хүмүүс маш их ялгаатай байж болно. Жишээ нь, сарын эхний өдөр төрсөн хүн маш идэвхитэй, өөрийгөө илэрхийлж чаддаг хүн байдаг. Харин нэг өдрийн дараа төрсөн хүн нь өндөр мэдрэмжтэй, сайн хамтрагч байх жишээтэй. Өнгөний зурхай нь энэхүү төрөлхийн ялгаануудыг харуулдаг.

Таны төрсөн өдрийн өнгө болон дуртай өнгө чинь заавал адилхан байх албагүй гэдгийг сайн ойлгох хэрэгтэй. Таны хувийн өнгө нь жинхэнэ таныг, таны дотоод хүнийг тэтгэж байдаг. Дуртай өнгө нь таныг өсч торних, боловсрох явцад өөрчлөгдөж болдог. Энэ нь үзэл бодол, орчин тойрон гэх мэт хүчин зүйлсээр нөлөөлөгддөг. Харин таны хувийн өнгө буюу төрсөн өдөрт харгалзах өнгө нь өөрчлөгдөхгүй. Энэ нь таны гадаад болон дотоод ертөнцийг холбох түлхүүр юм.